Flash lajme-Sporti Kosovar

Ketu i postoni te gjitha lajmet rreth sportit Kosovar ..

kosova do te luaj me brazilin ne zvicerr a jeni te informuar:> oo daj skom vizz se meihere isha shkuu -4-

Miqësorja Kosovë-Brazil, pritet konfirmimi

Përfaqësuesja e Kosovës në futboll më 25 ose 26 korrik, ka mundësi që të vihet përballë kombëtares së Brazilit në Gjenevë të Zvcirës. Një lajm të tillë sensacional e kanë konfirmuar sot edhe drejtuesit e FFK-së, sipas të cilëve ftesa për miqësore me kombëtaren braziliane u ka ardhur ditë më parë nga menaxheri i FIFA-s, Mark Billoi.
Kreu i FFK-së, Fadil Vokrri ka thënë se ka kthyer përgjigje pozitive në këtë ftesë dhe tashmë ka mbetur që të merret leja nga Federata zvicerane si dhe nga FIFA për zhvillimin e kësaj ndeshjeje në Gjenevë. Vokrri ka thënë se konfirmimi përfundimtar pritet gjatë ditës së sotme ose më së voni deri nesër. Në rast se vjen deri te realizimi i kësaj miqësoreje, atëherë pa dyshim se kjo do të jetë një ndeshje historike, por edhe një hap tejet i rëndësishëm për futbollin kosovarë drejt ndërkombëtarizimit. Ndërkohë miqësorja e mundshme Kosovë-Brazil ka tronditur mediat e Beogradit, të cilat e kanë quajtur si të pabesueshëm një lajm të tillë. I njëjti menaxher i FIFA-s, në vitin e kaluar ka organizuar ndeshjes Kosovë - Arabi Saudite në Ankara të Turqiës, kurse për muajin gusht ai ka aranzhuar edhe dy miqësore tjera me Beninin (më 18 gusht) dhe me Arabinë Saudite (më 20 gusht).

Ismet Ramushi nënshkroi për Besianën

Sulmuesi gjilanas, Ismet Ramushi, i cili në edicionin e kaluar luajti me Vëllaznimin, ka nënshkruar sot kontratë njëvjeçare me Besianën, duke u bërë përforcimi i parë i skuadrës llapjane për edicionin e ri. Besiana e siguroi mbetjen në elitë nëpër “vrimë të gjilpërës”, duke e mposhtur Fushë-Kosovën pas ekzekutimit të penalltive në ndeshjen e balotazhit në Pejë.
Futbollisti gjilanas është shprehur i kënaqur me kushtet që i ka ofruar klubi llapjan dhe nuk ka hezituar ta vendos nënshkrimin mbi kontratën njëvjeçare. “Kam pasur oferta të shumta, por vendosa që karrierën ta vazhdoj te Besiana, pasi drejtuesit e këtij klubi më ofruan kushtet më të mira. Në këtë skuadër kam luajtur edhe më herët, kështu që nuk do ta kem vështirë të ambientohem. Shpresoj se në edicionin e ri do të jemi një skuadër stabile, pasi drejtuesit e klubit synojnë edhe disa përforcime tjera”, ka theksuar Ramushi, i cili në edicionin e kaluar realizoi 16 gola në kampionat dhe 6 në garat e kupës në fanellën e Vëllaznimit.

Dështon ndeshja Augsburg-Drenica për shkak të vizave

Miqësorja ndërmjet skuadrës së Bundesligës së dytë, Augsburg dhe Drenicës, e paraparë të zhvillohet nesër në stadiumin “Rosenau” në Augsburg ka dështuar, pasi ambasada gjermane në Prishtinë ka refuzuar dhënien e vizave për ekspeditën e skuadrës drenicase.
Një gjë të tillë e kanë bërë të ditur sot drejtuesit e klubit nga Skenderaj. Megjithatë, ata kanë shprehur shpresën se kjo miqësore do të realizohet në një periudhë tjetër kohore. Kjo nuk është hera e parë që sportistët kosovarë dështojnë për të realizuar aktivitetin e tyre jashtë vendit për shkak të refuzimit të vizave. Ndërkohë, trajneri i Drenicës, Tahir Lushtaku ka bërë të ditur se skuadra kuqezi ka arritur të sigurojë shërbimet e sulmuesit të spikatur, Malësor Gjonbalaj, i cili edicionin e kaluar ka luajtur për skuadrën shkupjane, Makedonia Gj. P.

Shqipëron Skeraj i mbetet besnik Prishtinës

Skuadra kampione në fuqi e Kosovës, Prishtina, ka arritur të sigurojë edhe për një vit shërbimet e lojtarit të krahut të djathtë, prizrenasit Shqipëron Skeraj.
Ai disa ditë më herët ishte në prova në Elbasan, por nuk ishte i kënaqur me kushtet e ofruara atje, prandaj vendosi që të rikthehet sërish në klubin bardhekaltër, ku pas disa ditësh negociata me drejtuesit e Prishtinës ka arritur marrëveshje për kushtet e kontratës. Ndërkohë nënshkrimin mbi kontratën dyvjeçare e ka vendosur edhe mesfushori ofanziv, Isuf Llumnica.

"Blic": FIFA nuk lejon miqësoren Kosovë-Brazil

Mediat serbe në Beograd, të cilat ishin të tronditura nga paralajmërimi i zhvillimit të mundshëm të miqësores ndërmjet Përfaqësueses së Kosovës dhe përfaqësueses olimpike të Brazilit, më 25 korrik në Gjenevë, kanë bërë të ditur sot se drejtuesit e Federatës së Futbollit të Serbisë kanë marrë premtimin nga FIFA se kjo ndeshje nuk do të zhvillohet.
"Ka pasur kërkesë nga Prishtina në FIFA për zhvillimin e një miqësoreje të tillë në Gjenevë, por ajo kërkesë është refuzuar nga ana e FIFA-s", ka thënë sekretari i përgjithshëm i Federatës serbe të futbollit, Zoran Lakoviq për gazetën serbe "Blic". "Ndeshjet me karakter miqësor zhvillohen nën mbikëqyrjen e FIFA-s, të cilës ashtu sikurse UEFA-s nuk i intereson fare Kosova. Ndryshe do të ishte në rast se Kosova do të vinte në situatë që të ketë një ulëse në Kombet e Bashkuara. Presidenti i UEFA-s Mishel Platini dhe zëvendëspresidenti i FIFA-s, Duejn Xhonson, na kanë premtuar se çdo ndeshje miqësore me karakter ndërkombëtar është i pamundshëm për Kosovën", ka shtuar Lakoviq. Në fakt, ftesa për miqësore me Brazilin, FFK-së i ka arritur nga menaxheri për ndërmjetësimin e ndeshjeve miqësore ndërkombëtare, Mark Billoi. FFK e ka pranuar me kënaqësi një ftesë të tillë, kurse kryetari i FFK-së menjëherë e ka njoftuar edhe FIFA-n për këtë ftesë. Drejtuesit e FFK-së si dhe menaxheri Billoi kanë bërë të ditur se gjithçka rreth kësaj miqësoreje do të konfirmohet gjatë ditës së sotme, pasi ata kanë paraqitur kërkesë në FIFA dhe Federatën zvicerane të futbollit për lejimin e zhvillimit të kësaj ndeshjeje në Gjenevë.

Miqësorja mes përfqësueses së Kosovës dhe kombëtares olimpike braziliane mbetet vetëm një ëndërr e parealizuar. Ndeshja e paraparë të zhvillohej në Gjenevë të Zvicrës më 25 korrik nuk do të zhvillohet siç ishte përfolur për disa ditë me radhë. Lajmi është bërë i ditur të premtën nga Federata e Futbollit të Kosovës që me anë të një komunikate ka treguar arsyet e dështimit të kësaj përballjeje.
“Më herët për zhvillimin e ndeshjes ishte pajtuar jo vetëm Brazili e Kosova, por edhe autoritet zvicerane që kjo ndeshje të zhvillohet në shtetin e tyre, ndërsa të enjten FIFA ka kërkuar edhe një konfirmim të ri nga ana e Brazilit dhe Zvicrës. Dhe për shkak të kësaj zvarritje të përgjigjes nga ana e FIFA-s, Brazili është detyruar që të gjejë zgjidhje tjetër, pra për një ndeshje tjetër miqësore dhe ka udhëtuar për në Singapur me qëllim të përgatitjes së më të mirë për Lojërat Olimpike si domosdoshmëri që të ketë ndeshje kontrolluese para udhëtimin në Pekin”, thuhet përveç tjerash në komunikatën e lëshuar nga FFK.
“Në të vërtet FIFA nuk e ka refuzuar zhvillimin e ndeshjes përkundër asaj që në shumë mediume serbe është shkruar se FIFA e ka ndaluar zhvillimin e ndeshjes, por me zvarritjen e vendimit për këtë ndeshje, ka detyruar rivalin Brazilin që të gjejë një kundërshtar tjetër për ndeshje miqësore, duke mos qenë e gatshme për të pritur më gjatë”, thuhet në vazhdim të komunikatës.
Përfaqësuesja e Kosovës ka të aranzhuara dy takime miqësore në muajin gusht. Më 18 gusht është paraparë që të luajë kundër kombëtares së Beninit, ndërsa dy ditë më vonë kundër asaj të Arabisë Saudite. Me këtë të fundit përfaqësuesja e Kosovës ka zhvilluar një miqësore vitin e kaluar, me ç’rast kishte shënuar fitore me rezultatin 1-0.

Blerim Rrustemi nënshkroi për skuadrën qipriote, Alki Larnaka

Futbollisti kosovar, Blerim Rrustemi, ka nënshkruar sot kontratë dyvjeçare me skuadrën qipriote, Alki Larnaka. Mbrojtësi i kombëtares shqiptare në këtë skuadër do të gjejë portierin e kuqezinjve, Isli Hidi, i cili disa javë më herët po ashtu nënshkroi kontratë dyvjeçare me këtë skuadër.
Në bazë të kontratës së nënshkruar me klubin qipriot, Rrustemi do të fitojë një shumë prej 300 mijë eurosh, plus një makinë, shtëpi banimi, si dhe do të ketë trajtim ushqimor falas në restorantet me të cilat klubi ka marrëveshje.