Player elegant multimedial nga iRiver

Player elegant multimedial nga iRiver
Në fillim të vitit në njërin nga panairet më të mëdha të elektronikës shpenzuese, CES 2008, kompania iRiver ia ka paraqitur publikut playerin e vet bartës multimedial. Kanë kaluar bukur do muaj dhe gati sa nuk kemi harruar për të, mirëpo nga iRiver vjen njoftimi se Spinn zyrtarisht është në shitje.
Multimediali bartës nga iRiver i emëruar Spinn, ka ekran AMOLED prej 3.3 inçësh, mbështet riprodhimin e pothuajse të gjitha formateve audio (MP3, WMA, OGG, FLAC, ASF) dhe video (MPEG4, WM9, WMA) dhe pranim digjital të programeve televizive, ka pranues të radiovalëve FM, e në të mund të paraqiten edhe përmbajtjet e punuara në Flash.

Në dispozicion janë dy versione të kësaj pajisje – ajo me kapacitet prej 4GB do të shitet me çmim prej 164 eurosh, e derisa tjetra me kapacitet prej 8GB me çmim prej 189 eurosh.

Spinn fillimisht do të paraqitet në tregun tajvanez, mirëpo nuk është e njohur koha kur pritet të pushtojë tregjet tjera të botës.